" يا بنتى عريس فى اليد خير من عشرة على الشجرة وياختى دول مش عشرة على الشجرة .. دا واااااحد وبعد سنتين انتى بتفكرى ازاى "
دا كان رأي ماما وتقريباً رأي كل اللى يعرفوا الحكاية .. الكل شايف انى المفروض اقبل العريس الجاهز اللى هياخدنى من ايدى على عش الزوجية فى اقل من شهرين
خاصة وانا مش بحب العريس رقم ( 2 ) ولا في بيننا قصة حب تخلينى اعمل كده
بس انا مش عارفة ليه كنت مرتاحة له اوى
يمكن علشان زميلى فى الشغل ..
يمكن علشان حاسة اننا فاهمين بعض لأننا ياما اتكلمنا واتناقشنا واتخانقنا فى الشغل ؟!!!
مش عارفة بس كل اللى اعرفه انى حاسة انه هو دا اللى انا عايزة اكمل معاه حياتى
الاولانى كويس وكل حاجة لكن .. مافيش بيننا اى حاجة مشتركة
دا زائد انه حاسس بنفسه اوى ويمكن دا العيب الوحيد اللى فيه
يعنى حاسس ومتأكد انه ما يترفضش
بينى وبينكم حسيت انى عايزة اديله درس
وحسيت كمان انى محتاجة السنتين اللى رقم اتنين محتاجهم عقبال ما نتجوز
محتاجة اخطط لحياتى بروقان
ومحتاجة اكبر شوية عن كده
انا حاسة انى لسة طفلة
استخرت ربنا كتيييييييير اوى وبصراحة كنت عاملاها حجة وبتلكع بيها
لأنى عارفة ان الاخ الواثق مستعجل عايز يتم الموضوع قبل ما يسافر
ايوة هو انا ماقولتلكمش .. الاخ هيسافر برة .. ومنمر على هجرة وانا مش مرتاحة لكل دا
رغم انى مش دايبة فى دباديب مصر يعنى لكن بردو ما احبش اسيبها
مستقبلى هنا .. وحياتى هنا واحلامى هنا
اتوكلت على الله ورفضته واصريت على الرفض
ورفضت رقم اتنين بالمرة
ما تستغربوش بصراحة انا عملت عملة
.
.
.
.
اتفقنا انا وهو انه يترفض مع الاولانى الواثق دا علشان فى البيت ما يفتكروش انى رفضت الاولانى علشان خاطره
ولما رفضته رجع بعد شهرين وكان موقفه دا نقطة اقنعت بيها البيت انه حد متمسك بيا وعلشان كده هوافق بقى المرة دى
واخيراااااااااااااااااااااااااا
" شبكنا بدبلته .. وقرينا فتحته .. وعرفنا نيته وغلاوته عندنا "
لووووووووووووووووولوووووووووووووووووووووووولى
26 comments:
مممم
اتكلي علي الله
اهو متريش و معاه قرشين زي الفل
بلا حب بلا نيله
:@
حلو قوى الأكشن دة
..
بس تقريبا الناس اتلخبطت و هاتتلخبط ومش هاتعرف انتى وافقتى على مين ورفضتى مين
بس اللى فهمته إنك رفضتى الواثق..
وقبلتي زميلك اللى هايجهز بعد سنتين
صوح الكلام؟؟؟
ألف مبروك يا برنسيسة.. وعقبال الليلة الكبيرة.. (يا عمي والعالم كتيرة) ونفرح بيكي ..
عقبال أما نعملك تصاميم دعوات الفرح..
ونغيظك بتصميماتنا يوم الفرح كمان.. وتطلعى تجرى ورايا بالفستان عشان تضربيني .. (غيرانة بقى) .. يلا ربنا يقدم اللى فيه الخير
وبس بقى
الف مبروك وربنا يتمم بخير
طريقة تفكير سليمه
بس إيه الخطط طويلة المدى دي
نرفض ونرجع تاني وبتاع
لأ تخطيط عالي الصراحه بس السؤال هو إيه العيب إنك ترفضي واحد عشان واحد ؟
يعني لو كنتي قلتي انا رفضت الأولاني عشان التاني كانو هينصبولك المشانق ؟.
أحمد زكريا
بس إيه الخطط طويلة المدى دي
نرفض ونرجع تاني وبتاع
لأ تخطيط عالي الصراحه بس السؤال هو إيه العيب إنك ترفضي واحد عشان واحد ؟
يعني لو كنتي قلتي انا رفضت الأولاني عشان التاني كانو هينصبولك المشانق ؟.
أحمد زكريا
فكرة المدونة ظريفه و موضوعاتك مثيرة و تهم البنات اللي في سنك مبروك المدونة الجديدة و الي مزيد من التقدم و النجاح
مدونة ظريفة و موضوعاتك مثيرة و تهم البنات اللي في سنك و مقبلين على الجواز مبروك المدونة الجديدة و الى مزيد من النجاح
ألف مبرووووووووووووووك يا سارة
وربنا يتمم بخير يا رب
:)
ههههههههههههههه
الف الف مبروك
بجد بجد
بسجل اعجابى بالموقف دا
وان شاء الله ربنا هايكرمك
لأنك فكرتى صح
مش تفكير مادى خايب
تقبلى تحياتى
ألف مبروك يا استاذه سارة وربنا يوفقك...وكل بوست وانتي طيبه ويارب كل بوست بعريس
الففففففففففففففففففففففففف
مبرووووووووووووووووووووووووك
العرسان اليومين دول بقوا عملة نادرة
وريشة في اليد خير من عصفور علي الشجر
ديسكتر .. الريش كتير فى بيت ابويا مش عايزة ريش ههههههههههه
مش عارفة ليه حاسة انك ما بلعتش المقلب هههههههههههههه
حاتم عرفة
صدقنى انا احتست فى تأليف اسامي ولحد دلوقتى محتاسة فقولت ارقمهم وخلاص ههههههههههههههه
بالنسبة للتصاميم ففعلاً هبقى اطلع اجري وراك .. بس لو طلعت وحشة ولو انى اشك فى انك تعمل تصاميم وحشة
احم .. على فكرة انا ما اتخطبتش يا جماعة والله .. انا ما قولتش انى اتخطبت انتوا اللى افتكرتوا كده بس لقيتكم مصدقين اوى فقولت اقول يعنى انى ما اتخطبتش .. ايه وقف الحال اللى ع الصبح دا
ههههههههههههه
misrdream
الله يبارك فيك بس زى ما قولت انا مش اتخطبت
انا بس تخيلت نفسى لو فى الموقف دا نورتنى ويارب منورنى على طول
احمد زكريا : اقولك يا سيدى .. احيانا بعض الاهالى لما بيحسوا ان بنتهم رفضت واحد علشان واحد تانى خاصة انه معاها فى الشغل بيفتكروا انهم مرتبطين وان مراية الحب العامية عامية عينها عن مصلحتها فبيرفضوه على امل انها توافق على اللى هم شايفينه مناسب .. الحمد لله دا ما حصلش معايا لأنى اصلا ما اتخطبتش بس كان قصدى ان البنت تكون ذكية حبتين وتنفى كل الشبهات وماتعملش حاجة تخلى الاهل يعاندوا .. بث خلاث
مستر محمد سلامة .. الله يبارك فيك يارب وفعلاً زي ما انت قولت .. هتناول مواضيع تهم البنات والشباب كمان بس البنات اكتر .. نوووووووورتنى
احمد منتصر .. الله يبارك فيك يارب بس انا بردو ما اتخطبتش زى ما قولت فوق .. هحوش الف مبروك دى للخطوبة يمكن تكون بشرى خير ههههههههه
بلو ويف .. دكتور عمر .. الله يبارك فيك ياااااارب .. بس انا على فكرة ما اتخطبتش لكن لو اتحطيت فى الموقف دا اكيد ان شاء الله هتصرف كده زى ما قولت فوق فى ردى على تعليق دكستر .. الريش كتير فى بيت ابويا الحكاية مش ناقصة ريش هههههه
العبد لله .. الله يبارك فيك يارب .. ويالهوووووووى لو كل بوست بعريس ممكن البنات تقتلنى لأنى خطر ع الامن القومى ليهم هههههههههههه
يارب يسمع منك يارب
spower
ماهو مش اى ريشة بردو يا سيد ولا ايه ؟؟
اعتقد ان الحياة من غير ريشة احسن بكتير من الحياة بريشة مزعجة والواحد يعيش طول عمره ندمان انه اختار غلط
منوووووووورنى بجد
اختي الفاضله
الف مبروك ، وثقي ان الرابط القوي الي هو اقوى من الحب التفاهم والاحترام ولو توفر الشرطين دول باذن الله تكون زيجه مباركه
ادعو الله ان يوفقك ويرزقك الذريه الصالحه
تحياتي
الف مبروك علي الخطوبة
ويارب عقبال الجواز
تحياتي
تامر الحسيني
انسان عاشق حر
يلا ربنا يبارك ويتممها على خير ... بس حلوة قوي مواضيعك يا سارة .. ماشاء الله عليكي
أجمل حاجة في الحكاية كلها
أن الناس افتكرت أنك بتتكلمي بجد
وأنك اتخطبتي فعلا
وعمالين يقولوا لك مبروك
ههههههههههههههههههه
مبروك وعقبال البكاري
:P :D :D
عجبانى اوى طريقه تفكيرك
وبعدين عاجبنى اكتر انك اديتى درس للعريس الواثق
ومبروك ياستى ربنا يتمم على خير
وعقبالى
:D
فعلا الجواز في شهرين كروتة ومايديش فرصة أبدا للتخطيط بروقان بالعكس كل حاجة ضغط وبسرعة
خصوصا لو بعد الجواز سفر فعلا موضوع يقلق ويحتاج تفكير طويل
ومع الانتظار قبل الزواج بيكون فيه تفاهم أكتر بين الطرفين وبيكون فيه تعود على بعض أكتر ويوضح إذا كان فعلا هو ده الشخص المناسب وللا لا
أنا مش عارفة دي قصة وللا كلام حصل فعلا
لكن في الحالتين بتمنالك ربنا يسعدك ويكرمك دايما إن شاء الله :)
Post a Comment