عارف يعني ايه اكون مراتك ؟!
دا مش بس معناه اني
هعيش مع حد اخترته واختارني
مع حد هيستحمل عصبيتي .. تعبي .. فشلي
مع حد هيفرح لكل حاجة حلوة اعملها مهما كانت صغيرة
حد أحس
معاه اني معايا مش مع حد تاني
إني اكون مراتك معناه اني هضمن اني
من حقي أناديك في آخر لحظة من عمري
واطلب منك
تقعد معايا شوية لأني خلاص بموت .. علشان عايزة
اشبع منك
وانت تقولي لأ
ما تقوليش كده
وتزعل مني
وأشوف في عنيك لحظتها كل حاجة حبتها فيك ..
المح خوفك عليا .. حبك ليا .. زعلك مني
وابتسامتك
وانت بتحاول تطمني .. وأفضل باصة لك لحد ما روحي تروح
لربنا
وألمح ملامحي في ملامحك واتطمن .. لأني عارفة اني
هفضل عايشة فيك وبيك
زي ما كنت طول عمري عايشة بيك وليك
ياااااااااه يارب
ما اتحرم من اني أعيش معاك اللحظة دي
يااااارب لما اموت اكون مراتك
ويكون اسمي جنب اسمك لحد ما نتقابل تاني .. في الجنة ان شاء الله
6 comments:
عارف يعنى اية ابقى مراتك
يعنى لما احس انى ضعيفة الاقيك جمبى تقوينى
لما يوم الخوف يملكنى الاقيك بحنانك تملكنى
لما ابقى محتاجة للحظة امان اجرى عليك والاقيها فى قربك
لما الدنيا كله تيجى علية الاقيك اول واحد ينصفنى
لما احتاج لقلب جمبى يسمعنى ويفهمنى من غير كلام الاقيك تحس بيه
يعنى لما ابص فى عينك
احس بشوق ولهفه وحب عمرى ماشوفهم غير فى عنيك انت وبس
عارف يعنى اية اكون مراتك
يعنى ايدى فى ايدك نبدا حياة جديدة
اولها الدنيا وتعبها واخرها الجنه ونعمها
تسلم ايدك ياقمراية على البوست الجميل
shamosa
الله عليكي يا بنتى ايه الروعة دي ؟؟
بجد تعليقك دا احسن من البوست والله
بجد تسلم ايدك ونورتيني بجد
عزيزتى
تأثرت جدا بكلماتك الرقيقة
واعجبتنى مناجاة وحب هذه الزوجة لزوجها
رومانسية عالية ومشاعر صادقة
تحياتى
وميض ابتسامة .. نورتنى جداً وشرف ليا ان كلماتي تنال اعجابك مييييييييرسي جداً
يااااااااااه
دايما بقوله اتمنى يوم لما اموت انت تصلى عليا و تام بيا لانك اكتر واحد هيدعيلى و الكل وراه يقول امين
و كل دعوه مننك تمسح ذنوبى و تقربنى من الجنه
Post a Comment