Friday, December 12, 2008

تعرف بحلم بإيه ؟

تعرف بحلم بإيه ؟
بحلم يجي اليوم اللي الاقيك فيه بتزعق لابننا علشان زعلني
وتقوله انت ازاي تزعلها ؟ انت ماتعرفش هي تعبت قد ايه واتحملت قد ايه ؟
وتقوله ازاي تزعلها وهي بتحبنا قد الدنيا وأكتر ...
ساعتها هنسى أي حاجة زعلتني في حياتي كلها
هنسى كل تعب تعبته في حياتي
هنسى كل لحظة وحشة وهتوه فيك
ومهما كان شكلك وقتها - انا عارفة لما هتكبر هتوحش وانا هحلو ههههه - هشوفك في عيني ملاك
هشوفك راجلي زي ما اتعودت
أماني وحصني .. كل حاجة بحبها وبطمن بيها هلاقيها فيك
ساعتها مش بعيد اجري عليك احضنك وانسى اننا المفروض مركبين الوش الخشب لابننا علشان يحترم نفسه شوية
يااااااااااه قد ايه اللحظة دي بعيدة
بس بلمسها وبعيشها في احلامي كتييييييير

6 comments:

د. إيمان مكاوي said...

مشاعر مرهفه جدا ...وحب ليس له حدود
بس علشان نعيش مرتاحين لازم منستناش بكره يكون فيه إيه ..ونعمل ولاننتظر علشان لو ما لاقيناش هنتطدم...وساعتها هيكون جيبناه لنفسنا
تحياتي

سارة درويش said...

معاكى حق يا ام البنين .. فعلاً لازم ما نستناش مقابل خصوصا لما نكون بنعمل حاجة لحد بنحبه لأن المقابل اللى بناخده هو فرحته وراحته
نوووووووورتيني حبيبتى

vamo said...

ايه الاحساس ده
بجد انتي فنانه

vamo said...
This comment has been removed by the author.
Unknown said...

يا عينى على الولاد هيبقو مضطهدين لان بابى هيحب مامى اكتر منهم و يقولو اشمعنه مامى بقى
مع انى بكره الكلمه دى جدااااااا

Yasmina Raouf said...

:)