بمووووووت في عمايل السلطة زي ما انت بتموت في أكلها
وبحب اعملها في بيتنا وبس وبحب اعملها وانت معايا وبس
لما بعملها من غيرك ما بيبقاش ليها طعم
بتبقى مجرد سلطة
لكن وياك بتبقى .. سلطة وفرحة وهزار وضحك وشقاوة وطفولة ودلع وكل حاجة حلوة فيك وفيا
بحبك اوي لما تيجي تعمل تسلل وتخطف مني خيارة ولا ورقة خس
ولا لما اقرر اكافأك وأكلك انا بإيدي حتة جزرة ولا أوطة
وبحبك وانت بتتتريأ عليا وانا بعيط من البصل
و علشان كده لزقت على حيطان المطبخ كل الصور اللي صورتهاني وانا بسسسح من البصل
و معاهم صورك لما تعطفت عليا سموك وقررت تعمله بدالي
بحب كمان اخطف منك اللي خطفته من طبق السلطة ونلف ورا بعض الشقة كلها زي العيال
ولا شكلك وانت هتموووووت مستعجل ع الأكل وانا بتدلع وانا بعمل السلطة علشان عايزة رشوة ;) أو علشان بعاقبك
وبحبك اوووووووووي وانت بتصالحني لو زعلانة وتقول لي
" ما تيجي نعمل سلطة "
5 comments:
خلتيني اعيط .. رووعة يا سمو الأميرة ..
انسانيه و عاطفية قوى
ربنا يسعدكم ببعض
و طول ما الانسان بيحب و بيتحب يقدر يواجه الدنيا و كل همومها
تحياااااتى الرقيقه لكم :)
يا دلعو يادلعو ربنا يوعدك يا سارة يا اختى مع ابن الحلال يارب
الله عليكي بجد
تسلمي ويسلم كلامك
ربنا يكرمك ويسعدك يا حببتي يااااااااارب
مش عارف اقولك ايه بجد
بس فعلا هيبقى يا بخته بيكي ويا بختك بيه
ربنا يحفظك ويديم عليكي السعاده والمحبه دايما يا حماتي :)
Post a Comment