Saturday, June 13, 2009

الباشا تلميذ ;)

فرحت أوووووووووووي لما جيت تاخد رأيي في انك عايز تقدم في كلية الاعلام في الجامعة المفتوحة

فرحت لأسباب كتيرة .. أولها إنك هتحقق حلمك اللي من زمااااااان كان نفسك تحققه بس الظروف خليتك تروح في اتجاه تاني

وفرحت لأني حسيت الحاجات المشتركة بيننا بتزيد .. وفرحت كمان علشان دا هيخليني أعيش معاك احساس من زمان

نفسي أعيشه .. هحس اني مامتك كده وبخلي بالي من مذاكرتك ، وادخل عليك وانت سهران تذاكر ياعيني بسندويتشين

ونسكافيه ولا قهوة أو شاي .. وأقعد ادعيلك ..

وكمان لأني درست الحاجات دي قبلك فممكن أوي اساعدك في مذاكرتك .. يعني هحس بجد كأن ماجد نط في العمر

وبقى في الجامعة .

وآخر سبب بقى سبب - أعترف وأقر - إنه سبب شرير .. بصراحة هبقى فرحانة فيك وانا فاضية ومش ورايا

مذاكرة وانت بقى ياعينيييييييييييييي عندك امتحانات .. وارخم عليك بقى واقولك التليفزيون ممنوع لحد ما تخلص مذاكرة

هههههههههههه



1 comment:

مامة مازن said...

هههههههههههه
عسل خالص وكمان مشاركة الاحلام والطموحات واننا منبقاش مع الدنيا على اللى بنحبه
ربنا يسعدك يا سارة وتسمعى اغنية مدونتك على ارض الواقع قريب مع انى نفسى ابقى موجودة فى اللحظة دى علشان اشوف تعبيرات وشك
احتمال يغمن عليكى من الفرحة واحتمال تتنحى وتزبهلى واحتمال تنطى لفوق وتقولى يس واحتمال تعيطى انتى يا سارة بتدى احتمالات كتير كلها كلها يجمعها الرومانسية والجمال
دمتى بخير اختى الصغيرة