Tuesday, June 30, 2009

بحاول اتعود ..

بحاول اتعود على حبك اللي في شكل أفعال وتصرفات مش كلام .. في شكل عطاء وما بتحاولش أبداً تقول بعمل كذا عشانك
حبك اللي مش مستني قصاده مقابل
بس بردو بحاول المح وسط مشاغلك وتعبك والمشاكل اللي حوالينا حبيبي اللي بيحبني بروقان
بحاول المح فيك حبيبي لما كان باله رايق ومش شايل هم
وبفضل انكشك بالكلام والهزار لحد ما اخليك تطلع الطفل اللي مخبيه من جواه
وأول ما المحه .. اهدى واتطمن
صدقني انا دلوقتي بحبك اضعاف اضعاف زمان
دلوقتي الذكريات الحلوة بيننا أكتر .. والأيام الاحلى اكتر
والحب كل يوم بيننا بيكبر
وحابة فيك تحملك للمسؤلية وتفكيرك في بكرة
بكرة بتاعنا .. وعارفة ان جزء كبير أوي من همك هو همي وهم بيتنا وأولادنا ..
لكن حبي ليك بيخليني اخلق ليك في خيالي صورة عاشق خرافي
بجمع بينك زمان ودلوقتي علشان احبك أكتر واكتر
صدقني انا بحبك في كل الحالات
بحبك وانت رومانسي ولما تكون عملي .. بحبك وانت خياي ووانت واقعي
بحبك وانت مشغول ووانت رايق بحبك لما تقولي بحبك وبحبك بردو لما تقولها بخوفك عليا

4 comments:

مامة مازن said...

ممتازة يا سارة تدوينة جميلة

Roxan said...

أتابع المدونة من فترة
أجد بها كل المشاعر الحقيقية الصافية التي أتمني أن أشعر بها لزوجي المستقبلي إن شاء الله
أتمني لك كل الخير و السعادة(ما شاء الله)
أتمني زيارتك لمدونتي الصغيرة جدا
batreekW3agwa.blogspot.com
أتمني لك التوفيق في الحياة من الله
و بجد انتي تحفة
عبير عوني أبو الحسن

Agmal Sodfa said...

رائعه يا سارة بجد
انا مش بحب القرايه اساسا بس استمتعت جدا بالمدونه دى لان كلامك كله قريب من القلب وحسينه كلنا
ربنا يوفقك

Agmal Sodfa said...

رائعه يا سارة بجد
انا مش بحب لالقرايه اساسا بس حبيت المدونه بتاعتك لان كلامك قريب من القلب وجوانا كلنا
ربنا يوفقك