عارف كان بقالي كام سنة ما عملتش زينة رمضان ؟؟؟
من ايام لما كنت في رابعة ابتدائي
كانت آخر مرة اعمل فيها زينة رمضان
كنت نسيت اساساً ان حاجة زي كده بتتعمل
كنت نسيت الجو دا بتاع النشا اللي نعملها صمغ وكتب المدرسة والحاجات دي
بس ما تتخيلش قد ايه كنت مظأطة وفرحاااااااااااااانة لما لقيتك جاي من برة وجايب معاك حاجات الزينة
وجايب 3 فوانيس
فانوس ليا وفانوس ليك وفانوس لابننا او بنتنا اللي لسة ماجاش
حسيت كأني رجعت طفلة .. وعشت بجد فرحة رمضان
كان شكلنا مسخررررررررررة واحنا مدفوسين وسط اكوام ورق الزينة المتقطع
واحنا بنحاول نفتكر كنا بنعملها ازاي واحنا صغيرين
واول فانوس ورق عملتهولي وكتبنا عليه اسمنا
ياااااااااه شكله كان رووووووووعة .. زعلت اوي لما الهوا طيره م البلكونة
كان نفسي احتفظ بيه اووووووي
بعد ما خلصنا مشروع الزينة اللي نجح بالعافية حبيت اعيش معاك طفولتي بجد
روحت جبت نشا وعملتها صمغ
وجبت مجلات وعملنا فرع زينة صغنن شبه اللي كنا بنعمله واحنا صغيرين
وعلقنا الزينة زي المجانين في البلكونة .. ههههههههه فاكر لما الجيران كانوا بيبصوا لنا شرزاً كده هههههههههه
تاني يوم بدأوا شقة ورا التانية يعلقوا الزينة واحنا فطسانين من الضحك عليهم
لما هم عايزين يعملوا كده بيكابروا ليييييييييييييييه ؟؟
كل سنة وانت طيب يا احلى حد في حياتي
كل سنة وانت طيب يا هدية ليلة القدر :)
رمضان كريم
4 comments:
الله ..
كل رمضان وانتي وهوّا طيبين وبخير
وعلى رمضان اللي جاي الكتيير .. هوّا ييجي :D
جميلة أوي
إن شاء الله تساعدني أكمل يومي :D
لا حُرمنا قلمك يا فنانة ..
المهم بقى ان كل حد جديد يدخل عندك يفتكر انك حرم فلان وولادك اسمهم مسك وماجدههههههههه
بتبسط قوى لالن كده يبقى قدرتى توصلى لاعمق حتى فى قلب الانسان اللى بيقرالك
بعزك جدا يا سارة وهفضل ازورك لحد اخر يوم تدوين ليا رغم انك يعنى ...... واللا بلاش مش هقولك مبتزورنيش وبتاع وكده انا بحب جدا اعذر اللى قدامى وبحس بحبك واحترامك فى ردودك عليا وعلى فكرة ممكن ازور مدونة واحبها واعلق فيها باستمرار بسبب الحالة الجميلة اللى بحسها فى كلامهم
وانتى من الناس دى يا سارة بتساعدينى جدا بكلماتك فى مدوناتك ال3 اللى بدخلهم واعتر ف ان فى مدونة ليكى مش بدخلها لكن باذن الله هحاول ازورها
اوعى تزعلى من كلامى دا انا بعزك والله
انتى من ضمن اصدقائى بالمراسلة اللى عرفتهم عن طريق مدونتى
ربنا يعزك يا سارة ويوفقك يارب
وصوتك عسول قوى سمعت الحلقة وهسمعها تانى علشان سمعتها يوم ما سيبتى اللينك بتاعها ع 4 shared
وكان ميزو عامل جنان فصراحة حسه ان فاتنى منها جزء صغنن وانا محبش اديكى رايى ناقص جزء صغنن لكن فى المجمل سمعتها وعجبتنى وصوتك ودود قوى بس عيزاكى تبقى اجرء شوية انتى كنتى مكسوفة خالص
ههههههههههههه
بس عسل والله
ربنا يوفقكم يارب
ليو يااااااااااارب يا ليو .. لو بطلنا نحلم نموت ههههههههههه
ربنا يكرمك يارب على كلامك الحلو دا
مامة مازن هههههههههه ايون خليهم يفتكروا كده يمكن يتحول حقيقة يا مامة مازن :)
والله انا بحبك اووووووووووي ولما بدخل مدونتك بحب الجو الجميل اللي فيها اوي
بس مش ببقى لاقية تعليق غير اني بحبك اوووووووووووووووي
بالنسبة للبرنامج الحلقة دي كانت وحشة اوي علشان نفسيتي كانت تعبانة
ان شاء الله الحلقة الجاية يارب تكون احسن
وربنا ما يحرمنيش من نورك في مدونتي
Post a Comment