Sunday, September 13, 2009

ممكن تحكي لي حدوتة ؟؟


بموت فيك وانت بتحكي لي حدوتة .. من اول نظرة عينك اللي بتقول 

" مجنونة بس بحبك "

لحد طريقتك وانت بتقول لي توتة توتة :)

بحب اوي الحواديت العجيبة اللي بتقعد تألفها 

وبحب اتلامض معاك وانت بتحكيها .. لحد ما احس انك خلاص هتزهق بقى 

فأسكت كأني تلميذة في ابتدائي قاعدة قدام استاذها

فاصعب عليك فتهزر وتخليني اكمل لماضة :)

بحب أوي اسمع منك حواديت .. علشان بحب احس اني بنتك
عارف ليه ؟؟

علشان احس اني عمري ما عشت قبلك ، وان كل عمري من أول ما اتولدت كان معاك


و كمان علشان بحب اسمعك وما اتكلمش  

واراقبك وانت بتتكلم .. واخزن في دماغي مليوووون ألبوم فيه صور ليك 

وكمان بحب أوي اشوفك وانت محتاس ومش عارف تفكر في نهاية للحدوتة .. ونقعد نفبركها سوا 

وبس ياسيدي .. ممكن بقى تحكي لي حدوتة  ؟؟

3 comments:

sab7al5air said...

ابقي احكي لينا حدوته معاك
سلام
حلوة البنوته العسل اليختيتيها

loveschool.shamel said...

:)

أنا و أنا said...

الله الله على دى حياة بسم الله ما شاء الله ربنا يزيدكوا حب ويقربكوا من بعض كمان وكمان يا رب وتبقي ايامكوا كلها سعادة