العيد ما جاش .. ايوة طبعاً ماجاش
كل يوم معاك عيد بالنسبة لي
كفاية ان اول حد بشوفه كل يوم الصبح هو انت
وآخر حد بشوفه وبسمعه بالليل هو انت
دا لوحده عيد
دا غير اني كل يوم باكل معاك وبدردش معاك
وبنهزر سوا ... وحتى لما بتنخانق او لما نرخم على بعض
بردو بتبقى عيد
بس تصدق .. العيد بردو ليه طعم مختلف
الفرحة معاك طعمها مختلف .. اول مرة اتمنى اني اقضي العيد كله في البيت
ولما اخرج من البيت ابقى عايزة ارجع بسرررررررررررعة اوي علشان وحشني البيت
وحشني اكون معاك ونهزر مع بعض على راحتنا
وحشني نلعب زي الأطفال
نخطف من بعض السوداني واللب والترمس
نقعد نلعب سوا بلاي ستيشن واللي يتغلب يعمل للتاني شاي :)
نقعد في البلكونة نتفرج على الشوارع وهي مليانة فرحة ونور
ونقعد نعاكس في ولاد الجيران الصغيرين من البلكونة
يااااااااااااااه تصدق العيد حلو أوي :)
كل سنة وانت زوجي
كل سنة وانت حبيبي
كل سنة وانت عيدي :)
5 comments:
ليكى من دعوه حلوه
لأنى بجد عارف و متاكد ان ميحسش الكلام اللى انتى كتاباه دا الا حد بيحب و بيدوب فى اللى بيحبه لدرجه الانصهار
و انا بقى اشهد العمل و بقولها بقلب جامد قوى و اسمع يا عالم انا بحبها اعشقها اذوب فى حبها و اسكر من كلماتها و يضيع منى الكلام عند رؤيتها
نعم هيا حبيبتى
الله علي الحب و الرومانسيه ربنا يجعل ايامك كلها عيد وكل سنه وانت طيبه
:)
من حقي اغار؟
’’
كل سنة وانت سالمة يا رب
كلامك كتير حلو من اول كلمه لأخر كلمه وانا ببكي عارفين ليش لأنه اول عيد وانا زوجي مسافر وبعيد عني ومش قادره اعيش ولا حاسه بالعيد شو أعمل كتير مدايفه
Post a Comment