بجد كده مش نافع
وصلت في حبك لدرجة اني مش شايفة في الدنيا غيرك
كل الدنيا عندي انت ..
كل حاجة حلوة اشوفها عايزاها تبقى بس ليك
كل زمايلي في الشغل بتلغبط واناديهم باسمك
وطول ما انا قاعدة لوحدي .. بحس انك معايا وبنسى وبكلمك
وبعدين افتكر انك لسة ما جيتش
او اني في الشغل وانك مش معايا
وما بقيتش اعرف اكل الا معاك ..
ولا اتفرج على التليفزيون الا معاك
ما بستمتعش بالشاي بتاعي الا على ريحة قهوتك
وبقيت بغير عليك لدرجة مرضية
انت عارف ؟
اسمك على موبايلي بفضل اغير فيه
لحد ما يبقى بعيد عن اسم اي بنت
بغير من كل حاجة تشوفها وتعجبك
وما اكونش انا اللي عملتها
يالهوي .. انا شكلي بقيت مجنونة بيييييك
لأ دا أنا مش شكلي اتجننت ....
دا اكييييييييييييييد
1 comment:
انتى بجد حد جميل قوى
ومدونتى حلوة قوى
وياااااااااااااااا بخت جوزك بحبك بيه
دى اول مرة ازور مدونتك وشكلها مش اخر مرة
انشاء الله
تحياتى
Post a Comment