Friday, June 19, 2009

لما لقيتك

لما لقيتك عرفت يعني إيه " وحشتني " ويعني إيه

" محتاجة اشوفك " ويعني إيه " ب ح ب ك "

يعني إيه اتولد في كل مرة ابص فيها في عينيك

عرفت ازاي ممكن اكون مستعدة أدفع لك عمري بجد ..

عرفت ان الحب الحاجة الوحيدة اللي ممكن تخليني ادعي ربنا ياخد من عمري ويديلك ..

وادعي ربنا يخفف عنك ويبتليني .. ولو لازم حد فينا يتألم يبقى انا وهبقى مبسوطة

عرفت ازاي لما افرح انت اول حد يخطر في بالي ولما الدنيا تضيق في وشي انت تبقى البراح

فهمت ازاي الحب بيخلي العشاق مجانين وأطفال وكمان بيخليهم ز ي الأنبياء .. قلبهم ابيض وجواهم غفران وتسامح للكون كله

عرفت طعم ومعنى الدنيا والضحكة والفرحة والشوق والوحشة والوجع .. عرفت معنى الخوف والأمان

والحب اللي بجد

كل دا حصل لي لما لقيتك .. لأني عمري ما حبيت بجد إلا لما لقيتك

ربنا ما يحرمني منك

2 comments:

مامة مازن said...

ازيك يا سارة بقالك كتير غايبة ليه
يارب حبيبتى تكونى بخير
كلمات رائعة يا سارة كعادتك
دمتى بخير ولعل سبب غيابك خير

سارة درويش said...

ازيك يا اجمل ماما في الدنيا انا النت كان فاصل حبيبتي وكنت بدخل تخاطيف لو في كومنت ولا حاجة انزله
بس النت رجع ورجعت تاني بزيطتي وازعريتني هههههههههههه